Dail Mhòr aig àm a' Chogaidh
Chaidh Taigh-staile Dhail Mhòir, a tha suidhichte eadar Inbhir Ghòrdain agus Alanais, a stèidheachadh ann an 1839.
Ann an 2019, choinnich buidheann gach seachdain aig Taigh-tasgaidh Inbhir Ghòrdain gus rannsachadh a dhèanamh air gnìomhachd aig an taigh-staile sa Chiad Chogadh agus an Dàrna Cogadh.
Wayne O'Abbott
B’ e seòladair òg Ameireaganach a bh’ ann an Wayne Abbott a bha stèidhichte ann an Dail Mhòr aig àm a’ Chiad Chogaidh.
Rè a’ Chiad Chogaidh, ghabh Cabhlach nan Stàitean Aonaichte thairis Taigh-staile Dhail Mhòir gus mèinnean a chruinneachadh agus a chleachdadh airson a’ Bharrage a Tuath, a bha a’ sìneadh eadar Arcaibh agus Nirribhidh. Bha Dhail Mhòr aithnichte mar US Base 17 agus b’ e US Base 18 an dàrna làrach aig taigh-staile Ghleann Albain ann an Inbhir Nis.
Bha feum air galanaichean uisge-beatha a thoirt air falbh nuair a chaidh taigh-staile Dhail Mhòir a ghabhail thairis, agus an uairsin togail hangaran, seadaichean, cidhe ùr, àiteachan-fuirich, loidhnichean-taobh rèile farsaing agus loidhne-mheur ùr gu Inbhir Ghòrdain.
B’ e iomairt mhòr a bh’ ann am Bunait 17, le còrr is 1000 fear stèidhichte an sin bho earrach 1918. Ràinig pàirtean mèinn air trèana, agus an uairsin chaidh an stòradh agus an cur ri chèile ann an taighean-bathair mòra. Nuair a bha iad deiseil chaidh an cur air rèile gu Inbhir Ghòrdain, airson an luchdachadh air soithichean a chuireadh dhan Chuan a Tuath. Chaidh còrr is 38,000 mèinn a dhèanamh agus a chur a-mach anns na mìosan ron Chogadh-sìthe.
Ann an 2018, shiubhail John Bower agus a bhean Mindy à Ameireagaidh a dh’ionnsaigh na sgìre, leis gun robh a sheanair Wayne O’Abbott air a bhith mar aon de na seòladairean òga às na SA a bha stèidhichte ann an Dail Mhòr. Rè na h-ùine aige aig Bunait 17, thog Wayne mòran dhealbhan de na seadaichean mèinn agus a cho-obraichean a chuir e air ais gu a mhàthair anns na Stàitean, agus chlàraich e an t-eòlas aige ann an leabhar-latha. Chaidh cruinneachadh mòr de dhealbhan Wayne le notaichean a thoirt do Thaigh-tasgaidh Inbhir Ghòrdain còmhla ri a bhaga uidheamachd, cairt dearbh-aithne a’ bhunait, cairt Liberty agus prògraman cuirm-chiùil.
Chruthaich a’ bhuidheann taisbeanadh air Dail Mhòr àm a’ chogaidh a tha a-nis ri fhaicinn aig Taigh-tasgaidh Inbhir Ghòrdain. Tha diofar stuthan goireasan air an cumail aig an taigh-tasgaidh cuideachd, agus tha pasganan fiosrachaidh gan tasgadh ann an Leabharlannan Alanais agus Inbhir Ghòrdain agus Ionad Dualchais Alanais. Chaidh am pròiseact a mhaoineachadh le Buidheann Port Chaolas Chrombaigh agus Orion, le taic a bharrachd bho ARCH, Taigh-tasgaidh Inbhir Ghòrdain agus Ionad Dualchais Alanais.
